आधारभूमि संवाददाता
काठमाडौं,असार २५

आज पनि सुनको मूल्य बढेको छ । बिहीबार तोलामा ९२ हजार ३०० मा कारोवार भएको छापावाल सुन आज प्रतितोला १०० ले बढेर ९२ हजार ४०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला १०० ले बढेर ९१ हजार ९०० मा कारोवार भएको छ । यस अघि बिहीबार तेजावी सुन रु ९१ हजार ८०० मा कारोवार भएको थियो ।

आज चाँदीको मूल्य भने प्रतितोला रु ५ ले घटेको छ । आज महासङ्घले चाँदीको मूल्य प्रतितोला रु एक हजार ३०५ तोकेको छ । यस अघि बिहीबार चाँदी प्रतितोला रु एक हजार ३१० मा कारोबार भएको थियो ।