आधारभूमि संवाददाता
काठमाडौं, असार २०
डेनमार्क युरोकप फुटबलको सेमिफाइनलमा प्रवेश गरेको छ ।शनिबार राति भएको खेलमा डेनमार्कले चेक रिपब्लिकलाई २-१ गोलले पराजित गर्दै सेमिफाइनल प्रवेश गरेको हो ।
डेनमार्कलाई जित दिलाउन थॉमस डेलानी र कास्पर डलबर्गले एक-एक गोल गरे ।चेक रिपब्लिकका पैट्रिक शिकले एक गोल फर्काए ।
खेलको पाँचौं मिनेटमा थॉमस डेलानीले गोल गर्दे टोलीलाई सुरुवाती अग्रता दिलाएका थिए।
खेलको ४२ औं मिनेटमा कास्पर डलबर्गले गोल गर्दे टोलीलाई २-० को अग्रता दिलाए ।
दोस्रो हाफको ४९ औं मिनेटमा चेक रिपब्लिकका पैट्रिक शिकले गोल गर्दै खेल २-१ को स्थितिमा ल्याएका थिए।
त्यसपछि कुनै गोल हुन सकेन र खेल डेनमार्कले आफ्नो पोल्टामा पारेको हो ।
जितसँगै डेनमार्क युरोकप फुटबलको सेमिफाइनलमा प्रवेश गरेको छ । डेनमार्कले अब सेमिफाइनलमा इंग्ल्यान्डसँग खेल्नेछ ।
