आधारभूमि संवाददाता
काठमाडौं, असार १६
इंग्ल्यान्ड युरोकप फुटबलको क्वाटरफाइनलमा प्रवेश गरेको छ ।मंगलबार राति भएको खेलमा
इंग्ल्यान्डले जर्मनीलाई २-० गोलले पराजित गर्दै क्वाटरफाइनलमा प्रवेश गरेको हो ।
इंग्ल्यान्डलाई जित दिलाउन रहीम स्टर्लिंग र ह्यारी केनले एक-एक गोल गरे ।इंग्ल्यान्डले दुबै गोल दोस्रो हाफमा गरेको हो ।
खेलको ७५ औँ मिनेटमा रहीम स्टर्लिंगले गोल गर्दे टोलीलाई सुरुवाती अग्रता दिलाएका थिए।
त्यसपछि खेलको ८६ औँ मिनेटमा ह्यारी केनले ज्याक ग्रेलिसको पासमा हेडरमार्फत गोल गर्दै टोलीलाई २-० को जित दिलाए ।
जितसँगै इंग्ल्यान्ड युरोकप फुटबलको क्वाटरफाइनलमा प्रवेश गरेको छ । जर्मनी अन्तिम १६ बाट बाहिरिएको छ ।इंग्ल्यान्डले अब क्वाटरफाइनलमा युक्रेनसँग खेल्नेछ ।
