आधारभूमि संवाददाता

काठमाडौँ,१५ असार

आज सुनको मूल्य घटेको छ । सोमबार तोलामा ९० हजार ७०० मा कारोवार भएको छापावाल सुन आज प्रतितोला १०० ले घटेर ९० हजार ६०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला १०० ले घटेर ९० हजार १०० मा कारोवार भएको छ । यस अघि सोमबार तेजावी सुन रु ९० हजार २०० मा कारोवार भएको थियो ।

आज चाँदीको मूल्य पनि प्रतितोला रु ५ ले घटेको छ । आज महासङ्घले चाँदीको मूल्य प्रतितोला रु एक हजार ३०० तोकेको छ । यस अघि सोमबार चाँदी प्रतितोला रु एक हजार ३०५ मा कारोबार भएको थियो ।