आधारभूमि संवाददाता
काठमाडौं, असार १५
कोपा अमेरिका फुटबलमा अर्जेन्टिनाले सहज जित निकालेको छ ।मंगलबार बिहान भएको खेलमा अर्जेन्टिनाले बोलिभियालाई ४–१ गोल अन्तरले पराजित गरेको हो ।
अर्जेन्टिनालाई जित दिलाउन लियोनल मेस्सीले दुई गोल,अलेजेन्ड्रो गोमेज र लौटारो मार्टिनेजले एक एक गोल गरे ।बोलिभियाका एरविन सावेद्राले एक गोल फर्काए ।
खेलको छैठौं मिनेटमा अलेजेन्ड्रो गोमेजले मेस्सीको पासमा गोल गर्दे अर्जेन्टिनालाई सुरुवाती अग्रता दिलाएका थिए। ३३ औं मिनेटमा लियोनल मेस्सीले पेनाल्टीमा गोल गर्दै टोलीलाई २-० ले अघि बढाए।
खेलको ४२ औँ मिनेटमा मेस्सीले ब्यक्तिगत दोस्रो गोल गर्दै टोलीलाई ३-० ले अघि बढाए।
दोस्रो हाफको ६० औं मिनेटमा बोलिभियाका एरविन सावेद्राले एक गोल फर्काएका थिए ।
त्यसपछि खेलको ६५ औं मिनेटमा अर्जेन्टिनाका लौटारो मार्टिनेजले गोल गर्दै टोलीलाई ४-१ को सहज जित दिलाए ।
जितसँगै समूह ‘ए’मा रहेको अर्जेन्टिनाले ४ खेलबाट १० अंक जोडेको छ र तालिकाको शीर्ष स्थानमा छ ।पराजित बोलिभिया अंक विहीन तालिकाको पुछारमा छ ।
