आधारभूमि संवाददाता
काठमाडौ, असार १४
ललितपुकोे महालक्ष्मी नगरपालिका र भक्तपुरको सूर्यविनायक नगरपालिका वडा नं. २
हुँदै लुभू जोड्ने सडक अब एम्बुस रोड जस्तै भएको छ । दैनिक हजारौं सवारी आवत जावत गर्ने सडकका ठाउँ ठाउँमा विजुलीका पोल बिच सडकमा छन भने सडकका बिच सडकमा अव्यवस्थित ढलका ढक्कन नभएको पाइएको छ । यस विषयमा सूर्य विनायक नगरपालिका नगर सदस्य सुवास कार्कीका अनुसार सडकका पोलका विषयमा नेपाल विद्युत प्राधिकरणका टोलीहरुले निरिक्षण गरी सकेको आगामी बजेटबाट श्रावणबाट पोल हटाउन शुरु गर्ने बताए ।
महालक्ष्मी नगरपालिका वडा नं. ७ का वडा अध्यक्ष नकुल थापालाई बारम्बार जानकारी गराउँदा ढक्कन हाल्न कुनै चासो नगरेको पाइएको छ । सडक उपभोक्ता केशव के. सि. ले सडकका बिचमा ढक्कन नभएको महिनौं हुदा समेत कुनै जनप्रतिनिधिले चासो नदेखाउनु ठूलो दुःख लागेको गुनासो पोखे । अर्का सडक उपभोक्ता बाबु राजा महर्जन भन्छन् दैनिक ५ जना लड्ने गरी सडक प्वाल पर्दा, पानी जम्मा हुदा वास्ता नहुनु विडम्बना हो यो देशमा ३ तहको सरकार नभएको भान
हुन्छ , यदि भएको भए किन जनताको दैनिक सरोकारको कामलाई वेवास्ता गरिन्छ ।
