आधारभूमि संवाददाता

काठमाडौँ,७ असार

आज सुनको मूल्य बढेको छ । आइतबार तोलामा ९० हजारमा कारोवार भएको छापावाल सुन आज प्रतितोला ४०० ले बढेर ९० हजार ४०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ४०० ले बढेर ८९ हजार ९५० कारोवार भएको छ । यस अघि आइतबार तेजावी सुन रु ८९ हजार ५५० मा कारोवार भएको थियो ।

आज चाँदीको मूल्य पनि प्रतितोला रु ५ ले वृद्धि भएको छ । आज महासङ्घले चाँदीको मूल्य प्रतितोला रु एक हजार २९५ तोकेको छ । यस अघि आइतबार चाँदी प्रतितोला रु एक हजार २ सय ९० मा कारोबार भएको थियो ।