आधारभूमि संवाददाता
काठमाडौ, ६ असार
आइतबार थप २ हजार ४४२ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा १० हजार ९२६ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या छ लाख २१ हजार ५६ पुगेको छ ।
त्यस्तै पछिल्लो २४ घण्टामा पीसीआर विधिबाट १० हजार ९२६ जनाको परीक्षण भएको छ । हालसम्म ३२ लाख ६९ हजार २६६ जनाको पीसीआर परीक्षण गरिएको छ।
थप ३४५६ जना डिस्चार्ज
नेपालमा पछिल्लो २४ घण्टामा ३४५६ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या पाँच लाख ५६ हजार ७९८ पुगेको छ ।
थप ५१ को मृत्यु
पछिल्लो २४ घण्टामा ५१ जनाको मृत्यु भएको छ। यो सँगै हालसम्म नेपालमा कोरोनाबाट ज्यान गुमाउनेको संख्या आठ हजार ७२६ पुगेको छ।
