आधारभूमि संवाददाता

काठमाडौँ, ४ असार

आज सुनको मूल्य घटेको छ । बिहीबार तोलामा ९२ हजारमा कारोवार भएको छापावाल सुन आज प्रतितोला १२०० ले घटेर ९० हजार ८०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला १२०० ले घटेर ९० हजार ३०० मा कारोवार भएको छ । यस अघि बिहीबार तेजावी सुन रु ९१ हजार ५०० मा कारोवार भएको थियो ।

आज चाँदीको मूल्य पनि प्रतितोला रु ३५ ले घटेको छ । आज महासङ्घले चाँदीको मूल्य प्रतितोला रु एक हजार ३०५ तोकेको छ । यस अघि बिहीबार चाँदी प्रतितोला रु एक हजार ३ सय ४० मा कारोबार भएको थियो ।