आधारभूमि संवाददाता
काठमाडौं, जेठ ३०
युरोकप २०२० मा बेल्जियमले सहज जित निकालेको छ । शनिबार राति भएको खेलमा बेल्जियमले रुसलाई ३-० गोलले पराजित गरेको हो ।
बेल्जियमलाई जित दिलाउन रोमेलु लुकाकुले दुई गोल र थोमस मेनुयरले एक गोल गरे ।
खेलको १० औं मिनेटमा रोमेलु लुकाकुले गोल गर्दे टोलीलाई अग्रता दिलाएका थिए।
खेलको ३४ औं मिनेटमा थोमस मेनुयरले गोल गर्दै टोलीको अग्रता दोब्बर बनाए ।
त्यसपछि खेलको ८८ औं मिनेटमा लुकाकुले व्यक्तिगत दोस्रो गोल गर्दै टोलीलाई ३-० को सहज जित दिलाए ।
जितसँगै समूह (बी) मा रहेको बेल्जियमले तीन अंक जोडेको छ र तालिकाको शीर्ष स्थानमा छ ।पराजित रुस अंक विहीन तालिकाको पुछारमा छ ।दोस्रो स्थानको फिनल्यान्डको पनि
तीन अंक छ भने तेस्रो स्थानको डेनमार्कको अंक विहीन छ ।
