आधारभूमि संवाददाता
काठमाडौँ, १३ जेठ
भिल्ला रियलले युरोपा लिग फुटबलको उपाधि जितेको छ ।बुधबार राति भएको फाइनल खेलमा भिल्ला रियलले म्यानचेस्टर युनाईटेडलाई पेनाल्टी सुटआउटमा ११–१० ले हराउँदै युरोपा लिग फुटबलको उपाधि जितेको हो ।
खेलको निर्धारित र थप समयको खेल १-१ गोलको बराबरीमा सकिएपछि खेलको निर्णय टाइब्रेकरबाट लिइएको थियो । जसमा भिल्ला रियल ११–१० ले विजयी भयो ।
टाइब्रेकर अघि पहिलो अग्रता भिल्ला रियलले लिएको थियो ।खेलको २९ औ मिनेटमा जेरार्ड मोरेनोले गोल गर्दै भिल्लालाई अग्रता दिलाएका थिए ।
तर, दोस्रो हाफको ५५ औं मिनेटमा युनाईटेडका एडिन्सन काभानीले गोल गर्दै खेल बराबरीमा फर्काएका थिए ।
जितसंगै भिल्ला रियलले पहिलो पटक युरोपा लिगको उपाधि उचालेको हो ।
