आधारभूमि संवाददाता
काठमाडौँ,जेठ ९
स्पेनिस ला लिगा फुटबलमा रियल मड्रिडले अन्तिम खेलमा सुखद अन्त्य गरेको छ । गएराति भएको खेलमा रियल मड्रिडले भिल्ला रियललाई २-१ गोलले पराजित गरेको हो ।
रियललाई जित दिलाउन करीम बेन्जेमा र लुका मोड्रिकले एक-एक गोल गरे । भिल्ला रियलको येरेमी पिनोले एक गोल गरे ।
खेलमा पहिलो अग्रता भिल्ला रियलले लिएको थियो । खेलको २० औं मिनेटमा येरेमी पिनोले गोल गर्दै भिल्ला रियललाई सुरुवाती अग्रता दिलाएका थिए ।
दोस्रो हाफको ८७ औँ मिनेटमा रियल मड्रिडका करीम बेन्जेमाले गोल गर्दै खेल बराबरीमा फर्काए ।
त्यसपछि इन्जुरी समयमा रियल मड्रिडका लुका मोड्रिकले गोल गर्दै टोलीलाई २-१ को जित दिलाए ।
जितसंगै रियल मड्रिडले सिजनको सुखद अन्त्य गरेको छ ।लिगमा ३८ खेल खेलेको रियलले ८४ अंक जोड्न सफल भयो।
एट्लेटिको मड्रिडले स्पेनिस ला लिगा फुटबलको उपाधि उचाल्न सफल भयो। लिगमा ३८ खेल खेलेको एट्लेटिको मड्रिडले ८६ अंक जोड्यो ।
