आधारभूमि संवाददाता
काठमाडौँ, २ जेठ
आइतबार थप ७ हजार ३६८ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा १९ हजार ८ सय ८३ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या चार लाख ५५ हजार २० पुगेको छ ।
त्यस्तै पछिल्लो २४ घण्टामा पीसीआर विधिबाट १९ हजार ८ सय ८३ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ७०१ रहेको छ । कोरोना सक्रिय संक्रमितको संख्या १ लाख १० हजार २६३ जना छन् । हालसम्म २७ लाख ७० हजार ९८० जनाको पीसीआर परीक्षण गरिएको छ।
थप ६६४८ जना डिस्चार्ज
नेपालमा पछिल्लो २४ घण्टामा ६६४८ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या तीन लाख ३९ हजार ७५६ पुगेको छ ।
थप १४५ को मृत्यु
पछिल्लो २४ घण्टामा १४५ जनाको मृत्यु भएको छ। यो सँगै हालसम्म नेपालमा कोरोनाबाट ज्यान गुमाउनेको संख्या पाँच हजार एक पुगेको छ।
