आधारभूमि संवाददाता
काठमाडौ, २६ वैशाख
बायर्न म्युनिखले बुन्डेस लिगा फुटबलको उपाधि जितेको छ ।शनिबार राति भएको खेलमा दोस्रो स्थानको आरबी लाइपजिगलाई बोरुसिया डर्टमण्डले ३-२ ले पराजित गरेपछि बायर्न म्युनिखले लगातार नवौं पटक बुन्डेस लिगा फुटबलको उपाधि जितेको हो ।
बोरुसिया डर्टमण्डलाई जित दिलाउन जादोन सान्चोले दुई र मार्को रियसले एक गोल गरे ।आरबी लाइपजिगका लुकास क्लोस्टरम्यान र डानि ओल्मोले एक-एक गोल फर्काएका थिए ।
यससंगै बायर्नले ३० औं पटक बुन्डेस लिगा फुटबलको उपाधि जितेको छ ।
बायर्नले ३२ खेलबाट ७४ अंक जोडेको छ र शीर्ष स्थानमा छ।आरबी लाइपजिगको ३२ खेलबाट ६४ अंक छ र दोस्रो स्थानमा छ ।पराजित बोरुसिया डर्टमण्डको ३२ खेलबाट ५८ अंक छ र चौंथो स्थानमा छ ।
