आधारभूमि संवाददाता
काठमाडौ, १९ वैशाख
इटालियन सिरि ए फुटबलमा शीर्ष स्थानको इन्टर मिलानले १३ अंकको अग्रता बनाएको छ । शनिबार राति भएको खेलमा इन्टर मिलानले क्रोटोनलाई २-० गोलले पराजित गरेको हो ।
इन्टर मिलानलाई जित दिलाउन क्रिश्चियन एरिक्सन र अच्राफ हकीमीले एक-एक गोल गरे । इन्टर मिलानले दुबै गोल दोस्रो हाफमा गरेको हो ।
खेलको ६९ औँ मिनेटमा क्रिश्चियन एरिक्सनले गोल गर्दै टोलीलाई अग्रता दिलाएका थिए ।
त्यसपछि दोस्रो हाफको इन्जुरी समयमा अच्राफ हकीमीले गोल गर्दै टोलीलाई २-० को जित दिलाए ।
जितसँगै इन्टर मिलानले ३४ खेलबाट ८२ अंक जोडेको छ र शीर्ष स्थानमा १३ अंकको अग्रता बनाएको छ ।पराजित क्रोटोनको ३४ अंक छ र पुछारमा छ ।
