आधारभूमि संवाददाता
काठमाडौं, चैत १९
पेरिस सेन्ट जर्मेन (पीएसजी) ले फ्रेन्च लिग वान फुटबलमा सहज जित निकालेको छ ।शनिबार राति भएको खेलमा पीएसजीले लेन्सलाई २-१ गोलले पराजित गरेको हो ।
पीएसजीलाई जित दिलाउन नेयमार र मार्क्विनहोसले एक एक गोल गरे । लेन्सका इग्नेटियस गानगोले एक गोल गरे ।
खेलको ३३ औं मिनेटमा नेयमारले गोल गर्दै टोलीलाई सुरुवाती अग्रता दिलाएका थिए।
दोस्रो हाफको ५९ औं मिनेटमा मार्क्विनहोसले गोल गर्दै टोलीलाई २-० ले अघि बढाए।
खेलको ६१ औं मिनेटमा लेन्सका इग्नेटियस गानगोले गोल गर्दै २-१ को स्थितिमा ल्याए ।त्यसपछि बाकी समयमा कुनै गोल हुन सकेन र पीएसजीले जित निकालेको हो ।
जितसँगै पीएसजीले ३५ खेलबाट ७५ अंक जोडेको छ र दोस्रो स्थानमा छ । पराजित लेन्सको ३५ खेलबाट ३६ अंक सहित पाँचौ स्थानमा छ ।
