आधारभूमि संवाददाता
काठमाडौँ, १६ वैशाख
बिहीबार थप ४ हजार ९२८ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा १३ हजार ५६० जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या तीन लाख १७ हजार ५३० पुगेको छ ।
त्यस्तै पछिल्लो २४ घण्टामा पीसीआर विधिबाट १३ हजार ५६० जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ५९ रहेको छ । कोरोना सक्रिय संक्रमितको संख्या ३४ हजार ११७ जना छन् । हालसम्म २४ लाख ५८ हजार ५६५ जनाको पीसीआर परीक्षण गरिएको छ।
थप ८८८ जना डिस्चार्ज
नेपालमा पछिल्लो २४ घण्टामा ८८८ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख ८० हजार १६७ पुगेको छ ।नेपालमा हालसम्म कोरोनाबाट ज्यान गुमाउनेको संख्या तीन हजार २४६ पुगेको छ।
