आधारभूमि संवाददाता
काठमाडौँ, १४ वैशाख
मंगलबार थप ४ हजार ५२४ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा १५ हजार ६८१ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या तीन लाख ७ हजार ९२५ पुगेको छ ।
त्यस्तै पछिल्लो २४ घण्टामा पीसीआर विधिबाट १५ हजार ६८१ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ५८ रहेको छ । कोरोना सक्रिय संक्रमितको संख्या २६ हजार २२५ जना छन् । हालसम्म २४ लाख ३२ हजार ८९जनाको पीसीआर परीक्षण गरिएको छ।
थप ५५५ जना डिस्चार्ज
नेपालमा पछिल्लो २४ घण्टामा ५५५ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख ७८ हजार ५०६ पुगेको छ ।
थप १८ को मृत्यु
पछिल्लो २४ घण्टामा १८ जनाको मृत्यु भएको छ।यो सँगै हालसम्म कोरोनाबाट ज्यान गुमाउनेको संख्या ३ हजार १९४ पुगेको छ।
