आधारभूमि संवाददाता

काठमाडौं ,बैशाख ५

आज सुनको मूल्य बढेको छ । शुक्रबार तोलामा ९० हजार ५०० मा कारोवार भएको छापावाल सुन आज प्रतितोला २०० ले बढेर ९० हजार ७०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला २०० ले बढेर ९० हजार २०० मा कारोवार भएको छ । यस अघि शुक्रबार तेजावी सुन रु ९० हजारमा कारोवार भएको थियो ।

आज चाँदीको मूल्य स्थिर रहेको छ । आज पनि महासङ्घले चाँदीको मूल्य प्रतितोला रु १ हजार ३०० तोकेको छ । यस अघि शुक्रबार पनि चाँदी प्रतितोला रु १ हजार ३०० मा कारोबार भएको थियो ।