आधारभूमि संवाददाता
काठमाडौँ, ४ वैशाख
शनिबार थप ८४३ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा ६ हजार ४ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या दुई लाख ८३ हजार ६५८ पुगेको छ ।
त्यस्तै पछिल्लो २४ घण्टामा पीसीआर विधिबाट ६ हजार ४ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ७४ रहेको छ । कोरोना सक्रिय संक्रमितको संख्या ५ हजार ५४५ जना छन् । हालसम्म २३ लाख ४० हजार ४१७ जनाको पीसीआर परीक्षण गरिएको छ।
थप २२६ जना डिस्चार्ज
नेपालमा पछिल्लो २४ घण्टामा २२६ जनाले कोरोना जितेका छन् ।
यो सँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख ७५ हजार ३८ पुगेको छ ।नेपालमा हालसम्म कोरोनाबाट ज्यान गुमाउनेको संख्या ३ हजार ७५ पुगेको छ।
