काठमाडौ, चैत ३१
गायक तथा समाजसेवी निमा तामाङले आफ्नो बिल्कुलै नयाँ गीत ’हेर्देउन मायाले’ को म्युजिक भिडियो सार्वजनिक गरेकाछन् ।
प्रेमिल शैलीको यस गीतमा भद्रकला आङबुहाङ राईको शब्द रहेको छ। बादल लिम्बुले यस गीतलाई संगीतवद्द गरेका हुन्। युवा युवतीबीचको प्रेम र आकर्षणलाई प्रस्तुत गरिएको यस गीतमा विल्सन विक्रम राई (तक्मे बुडा ), रजनी गुरुङ , निमा तामाङ, सुजन राई र बिशाल लिम्बुको अभिनय देख्न सकिन्छ ।
पाँचथरको सुन्दर दृश्य समावेश गरिएको यस भिडियोलाई मनोज कार्कीले सम्पादन गरेकाहुन् । भिडियोमा विल्सन विक्रम राईको कन्सेप्ट र कोरियोग्राफी रहेको छ । किरण राईको छायांकन र सम्पादनमा भिडियो तयार पारिएको हो । तक्मे बुढा डट कम मार्फत भिडियो सार्वजनिक गरिएको हो ।
हाल अमेरिकाको रोचेस्टरमा रहेका गायक तामाङ गायन, कार्यक्रम आयोजना र समाजसेवामा सक्रिय छन् । हालै ताप्लेजुङ दोभान बजारमा भएको आगलागी पिडितलाई उनले सहयोग गरेका थिए । यस गीतको म्युजिक भिडियोलाई हेरेर प्रतिक्रिया दिन निर्माण टिमले सबैलाई आग्रह गरेका छन् ।
