आधारभूमि संवाददाता
काठमाडौ, चैत ३०

इटालियन सिरि ए फुटबलमा शीर्ष स्थानको इन्टर मिलानले ११ अंकको अग्रता बनाएको छ । आइतबार राति भएको खेलमा इन्टर मिलानले कग्लिअरिलाई १-० गोलले पराजित गरेको हो ।

मिलानलाई जित दिलाउन मट्टेओ डर्मियनले गरेको गोल नै निर्णायक बन्न पुग्यो । मट्टेओ डर्मियनले खेलको ७७ औं मिनेटमा सो गोल गरेका हुन् ।

जितसँगै मिलानले ३० खेलबाट ७४ अंक जोडेको छ र शीर्ष स्थानमा ११ अंकको अग्रता बनाएको छ ।पराजित कग्लिअरिको ३० खेलबाट २२ अंक छ र १८ औं स्थानमा छ ।