आधारभूमि संवाददाता
काठमाडौं, चैत २७
म्यानचेस्टर युनाईटेडले युरोपा लिग फुटबलको क्वाटरफाइनलको पहिलो लेगमा सहज जित निकालेको छ ।बिहीबार राति भएको खेलमा युनाईटेडले ग्रानडालाई उसकै मैदानमा २-० गोलले पराजित गरेको हो ।
युनाईटेडलाई जित दिलाउन मार्कस राषफोर्ड र ब्रुनो फर्नांडीसले एक-एक गोल गरे ।युनाईटेडले एक गोल पहिलो हाफमा र एक गोल दोस्रो हाफमा गरेको हो ।
खेलको ३१ औँ मिनेटमा मार्कस राषफोर्डले गोल गर्दै युनाईटेडलाई अग्रता दिलाएका थिए।
त्यसपछि दोस्रो हाफको ९० औं मिनेटमा ब्रुनो फर्नांडीसले गोल गर्दै टोलीलाई २-० को जित दिलाए ।
अब दोस्रो लेग अप्रिल १६ मा युनाईटेडको मैदानमा हुनेछ ।
