आधारभूमि संवाददाता
काठमाडौं, चैत २६
पीएसजीले च्याम्पियन्स लिग फुटबलको क्वाटरफाइनलको पहिलो लेगमा सहज जित निकालेको छ ।बुधबार राति भएको खेलमा (पेरिस सेन्ट जर्मेन) पीएसजीले बायर्न म्युनिखलाई उसकै मैदानमा ३-२ गोलले पराजित गरेको हो ।
पीएसजीलाई जित दिलाउन केलियन एमबाप्पेले दुई गोल र मार्क्विनहोसले एक गोल गरे ।बायर्नका एरिक मोटिङ र थॉमस मुलरले एक-एक गोल गरे ।
खेलको तेस्रो मिनेटमा केलियन एमबाप्पेले गोल गर्दै पीएसजीलाई सुरुवाती अग्रता दिलाएका थिए। २८ औँ मिनेटमा मार्क्विनहोसले गोल गर्दै टोलीको अग्रता दोब्बर पारे ।
खेलको ३७ औं मिनेटमा बायर्नका एरिक मोटिङले गोल गर्दै २-१ को स्थितिमा ल्याए ।
दोस्रो हाफको ६० औं मिनेटमा बायर्नका थॉमस मुलरले गोल गर्दै खेल बराबरिमा फर्काए ।
त्यसपछि खेलको ६८ औं मिनेटमा एमबाप्पेले व्यक्तिगत दोस्रो गोल गर्दै टोलीलाई ३-२ को जित दिलाए ।
अब दोस्रो लेग अप्रिल १३ मा पीएसजीको मैदानमा हुनेछ ।
