आधारभूमि संवाददाता
काठमाडौ, चैत २३

स्पेनिस ला लिगा फुटबलमा शीर्ष स्थानको एट्लेटिक मड्रिड सेभिल्लासँग पराजित भएको छ। आइतबार राति भएको खेलमा सेभिल्लाले एट्लेटिको मड्रिडलाई १-० गोलले पराजित गरेको हो ।

सेभिल्लालाई जित दिलाउन मार्कोस एकुनाले निर्णायक गोल गरे । एकुनाले खेलको ७० औं मिनेटमा गोल गरेका हुन् ।

हारपछि पनि एट्लेटिक मड्रिडको २९ खेलबाट ६६ अंक छ र शीर्ष स्थानमा छ। सेभिल्लाको २९ खेलबाट ५८ अंक छ र चौथो स्थानमा छ।