आधारभूमि संवाददाता
काठमाडौं, चैत २२
इंग्लिस प्रिमियर लिग फुटबलमा शीर्ष स्थानको म्यानचेस्टर सिटीले १७ अंकको अग्रता बनाएको छ । शनिबार राति भएको खेलमा सिटीले लेष्टर सिटीलाई उसकै मैदानमा २-० गोलले पराजित गरेको हो ।
सिटीलाई जित दिलाउन बेन्जामिन मेन्डी र गेब्रियल जिससले एक-एक गोल गरे ।
खेलको पहिलो हाफ गोलरहित बराबरीमा सकिएको थियो । दोस्रो हाफको ५८ औँ मिनेटमा सिटीका बेन्जामिन मेन्डीले गोल गर्दै टोलीलाई अग्रता दिलाएका थिए ।
त्यसपछि खेलको ७४ औं मिनेटमा गेब्रियल जिससले गोल गर्दै सिटीलाई २-० को जित दिलाए ।
जितसँगै सिटीले ३१ खेलबाट ७४ अंक जोडेको छ र शीर्ष स्थानमा १७ अंकको अग्रता बनाएको छ ।पराजित लेष्टर सिटीको ३० खेलबाट ५६ अंक छ र तेस्रो स्थानमा छ ।
