आधारभूमि संवाददाता
काठमाडौं, चैत १९
युरोपेली विश्वकप छनोटमा स्पेनले सहज जित निकालेको छ ।बुधबार राति भएको समूह (बी) को खेलमा स्पेनले कोसोभोलाई ३-१ गोलले पराजित गरेको हो ।
स्पेनलाई जित दिलाउन डानि ओल्मो,फेरन टोरेस र जेरार्ड मोरेनोले एक-एक गोल गरे ।कोसोभोको बेसार हलीमीले एक गोल गरे ।
खेलको ३४ औं मिनेटमा डानि ओल्मोले गोल गर्दै स्पेनलाई सुरुवाती अग्रता दिलाएका थिए ।लगत्तै ३६ औँ मिनेटमा फेरन टोरेसले गोल गर्दै टोलीको अग्रता दोब्बर पारे ।
दोस्रो हाफको ७० औं मिनेटमा कोसोभोका बेसार हलीमीले गोल गर्दै २-१ को स्थितिमा ल्याए ।
त्यसपछि खेलको ७५ औं स्पेनका जेरार्ड मोरेनोले गोल गर्दै टोलीलाई ३-१ को सहज जित दिलाए ।
जितसँगै स्पेनले ३ खेलबाट ७ अंक जोडेको छ र समूह (बी) को शीर्ष स्थानमा छ ।पराजित कोसोभोको २ खेलबाट शून्यअंक छ र पुछारमा छ ।
