आधारभूमि संवाददाता
काठमाडौं चैत १९
काठमाडौं महानगरपालिकाले विभिन्न संस्थागत विद्यालयलाई वैशाख १५ गतेभित्र शुल्क विवरण बुझाउन सूचित गरेको छ ।
महानगरपालिकाले जारी गरेको सूचनामा हरेक विद्यालयले निर्देशिकाले तोकेको शर्त र बन्देज पालना गर्ने गरी समयसीमाभित्र रहेर प्रस्ताव पेश गर्न निर्देशन दिएको छ ।
विद्यालयले ‘संस्थागत विद्यालय शुल्क निर्धारण मापदण्ड निर्देशिका, २०७२’ ले निर्धारण गरेको मापदण्ड अनुरुप शुल्क निर्धारण गरी वैशाख १५ गतेभित्र महानगरको शिक्षा विभागमा बुझाइ सक्नुपर्नेछ ।
महानगरपालिकाभित्र हाल ६४५ निजी विद्यालय सञ्चालित छन्विद्यालयले मनमौजी शुल्क लिइरहेको गुनासो आएपछि नियमन गर्न निर्देशिकाले व्यवस्था गरेको मापदण्ड अनुसार शुल्क निर्धारण गर्न निर्देशन दिइएको महानगरपालिकाको शिक्षा शाखाले जनाएको छ ।
