आधारभूमि संवाददाता
काठमाडौं, चैत १३
युरोपेली विश्वकप छनोटमा जर्मनीले सहज जित निकालेको छ ।बिहीबार राति भएको समूह (जे) को खेलमा जर्मनीले आइसल्याण्डलाई ३–० गोलले पराजित गरेको हो ।
जर्मनीलाई जित दिलाउन लियोन गोरेत्स्का ,काइ हावर्टज र इल्के गुन्डोगानले एक एक गोल गरे ।
खेलको दोस्रो मिनेटमा लियोन गोरेत्स्काले गोल गर्दै टोलीलाई सुरुवाती अग्रता दिलाएका थिए ।सातौं मिनेटमा काइ हावर्टजले गोल गर्दै टोलीको अग्रता दोब्बर पारे ।
त्यसपछि दोस्रो हाफोको ५६ औं मिनेटमा गुन्डोगानले गोल गर्दै टोलीलाई ३-० को सहज जित दिलाए ।
जितसँगै जर्मनीले पहिलो खेलमा ३ अंक जोडेको छ ।
