आधारभूमि संवाददाता
काठमाडौँ, १२ चैत
बिहीबार थप १ सय २० जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा २ हजार ८ सय ९१ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या दुई लाख ७६ हजार ५०९ पुगेको छ ।
त्यस्तै पछिल्लो २४ घण्टामा पीसीआर विधिबाट २ हजार ८ सय ९१ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ५५ रहेको छ । कोरोना सक्रिय संक्रमितको संख्या १ हजार २१७ जना छन् । हालसम्म २२ लाख ५१ हजार ८ सय ८४ जनाको पीसीआर परीक्षण गरिएको छ।
थप ८५ जना डिस्चार्ज
नेपालमा पछिल्लो २४ घण्टामा ८५ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख ७२ हजार २७२ पुगेको छ ।नेपालमा हालसम्म कोरोनाबाट ज्यान गुमाउनेको संख्या ३ हजार २० पुगेको छ।
