आधारभूमि संवाददाता

काठमाडौं, चैत ९

आज सुनको मूल्य घटेको छ । आइतबार तोलामा ८७ हजार २०० मा कारोवार भएको छापावाल सुन आज प्रतितोला २०० ले घटेर ८७ हजारमा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला २०० ले घटेर ८६ हजार ५५० मा कारोवार भएको छ । यस अघि आइतबार तेजावी सुन रु ८६ हजार ७५० मा कारोवार भएको थियो ।

आज चाँदीको मूल्य पनि प्रतितोला रु २० ले घटेको छ । आज महासङ्घले चाँदीको मूल्य प्रतितोला रु एक हजार २ सय ६० तोकेको छ । यस अघि आइतबार चाँदी प्रतितोला रु एक हजार २ सय ८० मा कारोबार भएको थियो ।