आधारभूमि संवाददाता
काठमाडौं, चैत ८

साताको पहिलो दिन सुनको मूल्य बढेको छ । शुक्रबार तोलामा ८६ हजार ७०० मा कारोवार भएको छापावाल सुन आज प्रतितोला ५०० ले बढेर ८७ हजार २०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ५०० ले बढेर ८६ हजार ७५० मा कारोवार भएको छ । यस अघि शुक्रबार तेजावी सुन रु ८६ हजार २५० मा कारोवार भएको थियो ।

आज चाँदीको मूल्य पनि प्रतितोला रु ५ ले वृद्धि भएको छ । आज महासङ्घले चाँदीको मूल्य प्रतितोला रु एक हजार २ सय ८० तोकेको छ । यस अघि शुक्रबार चाँदी प्रतितोला रु एक हजार २ सय ७५ मा कारोबार भएको थियो ।