आधारभूमि संवाददाता
काठमाडौं, चैत ८
म्यानचेस्टर सिटी एफए कप फुटबलको सेमिफाइनलमा प्रवेश गरेको छ ।सिटीले शनिबार राति
भएको खेलमा एभरटनलाई २–० गोलले पराजित गर्दै सेमिफाइनलमा प्रवेश गरेको हो ।
सिटीलाई जित दिलाउन ईल्के गुन्डोगान र केविन डी ब्रुएनले एक-एक गोल गरे ।
खेलको पहिलो हाफ गोलरहित बराबरीमा सकिएको थियो । दोस्रो हाफको ८४ औँ मिनेटमा सिटीका ईल्के गुन्डोगानले गोल गर्दै टोलीलाई अग्रता दिलाएका थिए ।
त्यसपछि खेलको ९० औं मिनेटमा केविन डी ब्रुएनले गोल गर्दै टोलीलाई २-० को जित दिलाए ।
जितसँगै सिटी एफए कपको सेमिफाइनलमा पुगेको हो ।
