आधारभूमि संवाददाता
काठमाडौं, चैत ७
महालक्ष्मी नगरपालिकाको वडा नं. ७ र सिर्जनसिप सेवा प्रा.लि.ले संयुक्त रुपमा सरसफाईको आयोजना गरी चङ्गाथलि क्लब देखि नर्कटे सम्म सडकमा भएको फोहोर सफाईको आयोजना गरेको छ । कार्यक्रममा ललितपुर क्षेत्र नंं. २ का सभासद तथा बागमती प्रदेश सभा समितीका सभापति माधव पौडेल, महालक्ष्मी नगरपालिकाका उपमेयर निर्मला थापा र महालक्ष्मी नगरपालिका वडा नं. ७ का वडा अध्यक्ष नकुल थापा लगायत विभिन्न स्थानीय वासीको बाक्लो उपस्थिति रहेको थिए ।
त्यस्तै गोदावरी खोला सरसफाइ अबियन्ता तथा मोतेश्वर समाज सुधार समितिका अध्यक्ष मोहन के.सी.ले गोदावरी खोलाका दायाँ वायाँमा रहेका प्राईभेट पानी व्यापारीहरुलाई आफ्नो व्यवसाय छिट्टै हटाउन माग पनि गरे । यदि बेलैमा नहटाए जस्तो सुकै कारवाही गर्ने चेतावनी दिए । महालक्ष्मी नगरपालिका वडा नं. ५ का वडा अध्यक्ष राजकुमार सिल्वाले सबै नागरिक सचेत भएमा नदी-नाला सधै सफा रहने बताए । गोदावरी खोला क्षेत्र सर-सफाई अभियानका १०७ औं की संयोजक बेबी राजभण्डारीको पनि सहभागीता भएकी थिइन ।
