आधारभूमि संवाददाता
काठमाडौँ, ४ चैत
बुधवार थप ९४ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा २ हजार ७ सय ८१ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या दुई लाख ७५ हजार ५ सय १८ पुगेको छ ।
त्यस्तै पछिल्लो २४ घण्टामा पीसीआर विधिबाट २ हजार ७ सय ८१ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ४९ रहेको छ । कोरोना सक्रिय संक्रमितको संख्या ९ सय ५४ जना छन् । हालसम्म २२ लाख २४ हजार २ सय ९३ जनाको पीसीआर परीक्षण गरिएको छ।
थप ५५ जना डिस्चार्ज
नेपालमा पछिल्लो २४ घण्टामा ५५ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख ७१ हजार ५ सय ५० पुगेको छ ।नेपालमा हालसम्म कोरोनाबाट ज्यान गुमाउनेको संख्या ३ हजार १४ पुगेको छ।
