आधारभूमि संवाददाता
काठमाडौ, चैत १
आइतबार थप ५३ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा २ हजार ६ सय १५ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या दुई लाख ७५ हजार २ सय ३१ पुगेको छ ।
त्यस्तै पछिल्लो २४ घण्टामा पीसीआर विधिबाट २ हजार ६ सय १५ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ४७ रहेको छ । कोरोना सक्रिय संक्रमितको संख्या ८ सय ९१ जना छन् । हालसम्म २२ लाख १५ हजार ४ सय ११ जनाको पीसीआर परीक्षण गरिएको छ।
थप ७७ जना डिस्चार्ज
नेपालमा पछिल्लो २४ घण्टामा ७७ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख ७१ हजार ३ सय २६ पुगेको छ ।
नेपालमा हालसम्म कोरोनाबाट ज्यान गुमाउनेको संख्या तीन हजार १४ पुगेको छ।
