आधारभूमि संवाददाता
काठमाडौ, फागुुन २८
शुक्रबार थप ४८ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा २ हजार ५ सय १२ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या दुई लाख ७५ हजार १ सय १८ पुगेको छ ।
त्यस्तै पछिल्लो २४ घण्टामा पीसीआर विधिबाट २ हजार ५ सय १२ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ५१ रहेको छ । कोरोना सक्रिय संक्रमितको संख्या ९ सय २९ जना छन् । हालसम्म २२ लाख १० हजार ४ सय ३४ जनाको पीसीआर परीक्षण गरिएको छ।
थप ६१ जना डिस्चार्ज
नेपालमा पछिल्लो २४ घण्टामा ६१ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख ७१ हजार १ सय ७७ पुगेको छ ।
नेपालमा हालसम्म कोरोनाबाट ज्यान गुमाउनेको संख्या तीन हजार १२ पुगेको छ।
