आधारभूमि संवाददाता
काठमाडौ, फागुुन २८
युरोपा लिग फुटबलको अन्तिम १६ को पहिलो लेगमा आर्सनलले सहज जित निकालेको छ । बिहीबार राति भएको खेलमा आर्सनलले ओलम्पियाकोसलाई ३-१ गोलले पराजित गरेको हो ।
आर्सनललाई जित दिलाउन मार्टिन ओडेगार्ड ,गेब्रियल र मोहम्मद एल्नेनीले एक-एक गोल गरे।ओलम्पियाकोसका यूसुफ एल-अरबीले एक गोल गरे।
खेलको ३४ औँ मिनेटमा मार्टिन ओडेगार्डले गोल गर्दै आर्सनललाई सुरुवाती अग्रता दिलाएका थिए । दोस्रो हाफको ५८ औं मिनेटमा ओलम्पियाकोसका यूसुफ एल-अरबीले गोल गर्दै खेल बराबरीमा फर्काए ।
खेलको ७९ औँ मिनेटमा आर्सनलका गेब्रियलले गोल गर्दै टोलीलाई २-१ ले अघि बढाए।त्यसपछि ८५ औं मिनेटमा मोहम्मद एल्नेनीले गोल गर्दै आर्सनललाई ३-१ को सहज जित दिलाए ।
जितसंगै आर्सनलको अन्तिम आठमा पुग्ने सम्भावना बलियो छ ।
अब दोस्रो लेग मार्च १८ मा आर्सनलको घरेलु मैदानमा हुनेछ ।
