आधारभूमि संवाददाता
काठमाडौ, फागुुन २८
युरोपा लिग फुटबलको अन्तिम १६ को पहिलो लेगमा टोटनह्यामले सहज जित निकालेको छ । बिहीबार राति भएको खेलमा टोटनह्यामले डाइनमो जाग्रेबलाई २-० गोलले पराजित गरेको हो ।
टोटनह्यामलाई जित दिलाउन ह्यारी केनले दुई गोल गरे।
खेलको २५ औँ मिनेटमा केनले गोल गर्दै टोटनह्यामलाई सुरुवाती अग्रता दिलाएका थिए । त्यसपछि दोस्रो हाफको ७० औं मिनेटमा केनले व्यक्तिगत दोस्रो गोल गर्दै टोलीलाई २-० को सहज जित दिलाए ।
जितसंगै टोटनह्यामको अन्तिम आठमा पुग्ने सम्भावना बलियो बनाएको छ ।
अब दोस्रो लेग मार्च १८ मा डाइनमो जाग्रेबको घरेलु मैदानमा हुनेछ ।
