आधारभूमि संवाददाता
काठमाडौ, २७ फागुन

आज सुनको मूल्य बढेको छ । बुधवार तोलामा ८६ हजार २०० मा कारोवार भएको छापावाल सुन आज प्रतितोला ६०० ले बढेर ८६ हजार ८०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ६०० ले बढेर ८६ हजार ३५० मा कारोवार भएको छ । यस अघि बुधवार तेजावी सुन रु ८५ हजार ७५० मा कारोवार भएको थियो ।

आज चाँदीको मूल्य पनि प्रतितोला रु १५ ले वृद्धि भएको छ । आज महासङ्घले चाँदीको मूल्य प्रतितोला रु एक हजार २ सय ८५ तोकेको छ । यस अघि बुधवार चाँदी प्रतितोला रु एक हजार २ सय ७० मा कारोबार भएको थियो ।