आधारभूमि संवाददाता
काठमाडौ, फागुुन १७
इंग्लिस प्रिमियर लिग फुटबलमा लिभरपुलले सहज जित निकालेको छ । आइतबार राति भएको खेलमा लिभरपुलले सेफिल्ड युनाईटेडलाई उसकै घरेलु मैदानमा २-० गोलले पराजित गरेको हो ।
लिभरपुललाई जित दिलाउन कर्टिस जोन्सले एक गोल गरे । लिभरपुलले एक गोल आत्मघाती उपहार पाएको थियो ।
खेलको ४८ औं मिनेटमा कर्टिस जोन्सले गोल गर्दै लिभरपुललाई सुरुवाती अग्रता दिलाएका थिए। ६४ औँ मिनेटमा सेफिल्ड युनाईटेडका केन ब्रायनले आत्मघाती गोल गरेपछि लिभरपुल २-० ले अघि बढ्यो।त्यसपछि बाकी समयमा कुनै गोल हुन सकेन र लिभरपुलले जित निकालेको हो ।
जितसँगै लिभरपुलले २६ खेलबाट ४३ अंक जोडेको छ र छैटौं स्थानमा उक्लिएको छ । पराजित सेफिल्ड युनाईटेडको ११ अंक छ र पुछारमा स्थानमा छ ।
