आधारभूमि संवाददाता
काठमाडौ, फागुुन १६
आइतबार थप ७८ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा २ हजार ५ सय ३२ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या दुई लाख ७४ हजार १ सय ४३ पुगेको छ ।
त्यस्तै पछिल्लो २४ घण्टामा पीसीआर विधिबाट २ हजार ५ सय ३२ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ६८ रहेको छ । कोरोना सक्रिय संक्रमितको संख्या ९ सय ६२ जना छन् । हालसम्म २१ लाख ५३ हजार ६ सय ३६ जनाको पीसीआर परीक्षण गरिएको छ।
थप ८२ जना डिस्चार्ज
नेपालमा पछिल्लो २४ घण्टामा ८२ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख ७० हजार ४ सय ७ पुगेको छ ।
नेपालमा हालसम्म कोरोनाबाट ज्यान गुमाउनेको संख्या दुई हजार ७ सय ७४ पुगेको छ।
