आधारभूमि संवाददाता
काठमाडौ, १४ फागुन

आज पनि सुनको मूल्य घटेको छ । बिहीबार तोलामा ८९ हजार ३०० मा कारोवार भएको छापावाल सुन आज प्रतितोला ५०० ले घटेर ८८ हजार ८०० मा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि प्रतितोला ५०० ले घटेर ८८ हजार ३५० मा कारोवार भएको छ । यस अघि बिहीबार तेजावी सुन रु ८८ हजार ८५० मा कारोवार भएको थियो ।

आज चाँदीको मूल्य पनि प्रतितोला रु २० ले घटेको छ । आज महासङ्घले चाँदीको मूल्य प्रतितोला रु १३३५ तोकेको छ । यस अघि बिहीबार चाँदी प्रतितोला रु १३५५ मा कारोबार भएको थियो ।