आधारभूमि संवाददाता
काठमाडौँ,११ फागुन
इटालियन सिरी (ए) फुटबलमा युभेन्ट्सले सानदार जित निकालेको छ । सोमबार राति युभेन्ट्सको घरेलु मैदानमा भएको खेलमा युभेन्ट्सले क्रोटोनलाई ३-० गोलले पराजित गरेको हो ।
युभेन्ट्सलाई जित दिलाउन क्रिस्टियानो रोनाल्डोले दुई र वेस्टन म्याकेनीले एक गोल गरे ।
खेलको ३८ औं मिनेटमा क्रिस्टियानो रोनाल्डोले गोल गर्दै युभेन्ट्सलाई सुरुवाती अग्रता दिलाएका थिए।पहिलो हाफको इन्जुरी समयमा क्रिस्टियानो रोनाल्डोले व्यक्तिगत दोस्रो गोल गर्दै टोलीको अग्रता दोब्बर पारे ।
त्यसपछि दोस्रो हाफको ६६ औं मिनेटमा वेस्टन म्याकेनीले गोल गर्दै टोलीलाई ३-० को सानदार जित दिलाए ।
जितसंगै युभेन्ट्सले २२ खेलबाट ४५ अंक जोडेको छ र तेस्रो स्थानमा उक्लिएको छ । पराजित क्रोटोनको २३ खेलबाट १२ अंक छ र पुछारमा छ ।
