आधारभूमि संवाददाता

काठमाडौ, फागुुन १०

महालक्ष्मी नगरपालिका वडा नं.७ मा गोदावरी खोला मिचेर धमाधम प्लटिङ्ग गर्ने काम अत्यधिक बढेको पाइएको छ । सरकारले व्यवस्थित प्लटिङ्ग अवधारणा ल्याए पनि कुनै पालना नगरी खेती योग्य जमिन मासी प्लटिङ्ग गर्ने गरेको पाइएको छ ।

खोलाको कोरिडोरको मापदण्ड समेत मिचेर प्लटिङ्ग धमाधम भईरहेको र बाटोका मापदण्ड २० फिट हुनुपर्ने मा १३ फिट मात्र रहेको बुझिएको छ । धमाधम खोला मिचेर प्लटिङ्ग हुदा पनि स्थानीय सरकार मौन रहेको त्यस विषयमा नगरपालिका वडा ७ का वडा अध्यक्ष नकुल थापा संग बुझ्दा आफुलाई थाहा नभएको बताए । महालक्ष्मी नगरपालिकामा अन्य ठाउँमा पनि अत्यधिक प्लटिङ्ग गरेको पाइएको छ ।