आधारभूमि संवाददाता
काठमाडौ, फागुुन ९
आइतबार थप ८० जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको अनुसार पछिल्लो २४ घण्टामा देशभरिका विभिन्न प्रयोगशालामा ३ हजार ३ सय २५ जनाको नमूना परीक्षण गर्दा उक्त सङ्ख्यामा कोरोना सङ्क्रमण पुष्टि भएको हो । यो सँगै हालसम्म सङ्क्रमितको सङ्ख्या दुई लाख ७३ हजार ४ सय ३१ पुगेको छ ।
त्यस्तै पछिल्लो २४ घण्टामा पीसीआर विधिबाट ३ हजार ३ सय २५ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ६८ रहेको छ । कोरोना सक्रिय संक्रमितको संख्या १ हजार ४ सय ९४ जना छन् । हालसम्म २१ लाख ३९ हजार ६ सय ३४ जनाको पीसीआर परीक्षण गरिएको छ।
थप १ सय २१ जना डिस्चार्ज
नेपालमा पछिल्लो २४ घण्टामा १ सय २१ जनाले कोरोना जितेका छन् ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या दुई लाख ६९ हजार ८ सय ७६ पुगेको छ ।नेपालमा हालसम्म कोरोनाबाट ज्यान गुमाउनेको संख्या दुई हजार ६१ पुगेको छ।
