आधारभूमि संवाददाता
काठमाडौँ,७ फागुन
युरोपा लिग फुटबलको अन्तिम ३२ को पहिलो लेगमा म्यानचेस्टर युनाईटेडले फराकिलो जित निकालेको छ ।बिहीबार राति भएको खेलमा युनाईटेडले रियल सोसिडाडलाई ४-० गोलले पराजित गरेको हो ।
युनाईटेडलाई जित दिलाउन ब्रुनो फर्नान्डेसले दुई गोल, मार्कस र्यासफोर्ड र डेनियल जेम्सले एक एक गोल गरे।
खेलको २७ औं मिनेटमा फर्नान्डेसले गोल गर्दै युनाईटेडलाई सुरुवाती अग्रता दिलाएका थिए ।
दोस्रो हाफको ५७ औँ मिनेटमा फर्नान्डेसले व्यक्तिगत दोस्रो गोल गर्दै टोलीको अग्रता दोब्बर पारे ।
खेलको ६४ औँ मिनेटमा मार्कस र्यासफोर्डले गोल गर्दै टोलीलाई ३-० ले अघि बढाए। त्यसपछि खेलको ९० औँ मिनेटमा डेनियल जेम्सले गोल गर्दै युनाईटेडलाई ४-० को फराकिलो जित दिलाए ।
अब युनाईटेडले दोस्रो लेग फेब्रुअरी २६ मा घरेलु मैदानमा खेल्नेछ ।
