आधारभूमि संवाददाता
काठमाडौं, फागुन ४

सुनको मूल्यमा आज वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु २०० ले वृद्धि भएको छ ।

सोमबार तोलामा रु ९० हजार ७०० मा कारोबार भएको सुनको मूल्य आज प्रतितोला रु २०० बढेर रु ९० हजार ९०० मा कारोबार भएको छ र तेजाबी सुनको मूल्य प्रतितोला रु ९० हजार ४०० तोकेको छ । यस अघि सोमबार तेजाबी सुन प्रतितोला रु ९० हजार २०० मा खरिद बिक्री भएको थियो ।

आज चाँदीको मूल्य प्रतितोला रु २० ले वृद्धि भएको छ । आज महासङ्घले चाँदीको मूल्य प्रतितोला रु १३६० तोकेको छ । यस अघि सोमबार चाँदी तोलामा रु १३४० रुपैयाँमा कारोबार भएको थियो ।