आधारभूमि संवाददाता
काठमाडौँ,माघ ३०
बायर्न म्युनिखले फिफा क्लब विश्वकप फुटबलको उपाधि जितेको छ ।बिहीबार राति भएको फाइनल खेलमा टाइग्रेसलाई १–० ले पराजित गर्दै बायर्न म्युनिखले क्लब विश्वकप फुटबलको उपाधि जितेको हो ।
बायर्न म्युनिखलाई जित दिलाउन बेन्जामिन पाभर्डले विजयी गोल गरे । पाभर्डले खेलको ५९ औँ मिनेटमा गोल गरेका हुन् ।
योसँगै बायर्न म्युनिखले दोस्रो पटक क्लब विश्वकप फुटबलको उपाधि जितेको छ ।
