आधारभूमि संवाददाता
काठमाडौँ,माघ २७
स्पेनिस ला लिगा फुटबलमा शीर्ष स्थानको एट्लेटिको मड्रिड सेल्टा भिगोसँग बराबरीमा रोकिएको छ ।सोमबार राति भएको खेलमा एट्लेटिकोलाई सेल्टा भिगोले २-२ गोलको बराबरीमा रोकेको हो ।
खेलमा एट्लेटिकोको लागि लुइस सुआरेजले दुई गोल गरे भने सेल्टा भिगोको संति मीना र फकुनडो फेर्रेराले एक-एक गोल गरेका थिए।
खेलमा पहिलो अग्रता सेल्टा भिगोले लिएको थियो । खेलको १३ औं मिनेटमा संति मीनाले गोल गर्दै सेल्टा भिगोलाई अग्रता दिलाएका थिए ।तर,खेलको ४५ औं मिनेटमा एट्लेटिकोका लुइस सुआरेजले गोल गर्दै खेल बराबरीमा फर्काए ।
त्यसपछि दोस्रो हाफको ५० औं मिनेटमा लुइस सुआरेजले व्यक्तिगत दोस्रो गोल गर्दै एट्लेटिकोलाई २-१ को अग्रता दिलाए ।तर, ८९ औं मिनेटमा सेल्टा भिगोका फकुनडो फेर्रेराले गोल गर्दै खेल २-२ को बराबरीमा ल्याए र टोलीलाई हारबाट जोगाए ।
बराबरीपछि पनि एट्लेटिको शीर्ष स्थानमा छ। एट्लेटिकोको २० खेलबाट ५१ अंक छ ।दोस्रो स्थानको बार्सिलोनाको २१ खेलबाट ४३ अंक छ । सेल्टा भिगोको २६ अंक छ र १० औं स्थानमा छ ।
